• KMRB AM1430 粵語廣播電臺     
優閒娛樂, 蘋果日報

拍少林足球後3年依然窮到燶】 肥仔聰摷公仔麵帶返工:問朋友借1000蚊度難關 02/05/2019

林子聰,娛樂圈人稱他肥仔聰,1995年入行,在無綫任編劇,第一天返工,就遇着已故才子黃霑,當時霑叔主持時事節目《城市追擊》,擔任編劇的他負責撰稿,他說預了會被刪改,不過最令他印象深刻,反而是霑叔跟他的一席話。

「佢話做呢一行無咩嘢,只有兩件事,睇任何人和事,只睇好嘅一面,你就會學到好嘢,睇衰嘅一面就學衰嘢。例如呢個人幾衰,嗰件事幾衰,你呢個人就只會永遠儲晒啲衰嘢,永遠做唔到好嘅嘢,個人亦都唔會好,更加做唔到呢行。 第二樣就係,做娛樂圈要保持童真。」 肥仔聰將霑叔的說話成為他的人生座右銘。

喜歡電影,他決定離開安全罩出外看世界。離開無綫,他簽了星爺的電影公司,2000年,他拍了《少林足球》,但直至三年後,電影上映,他才開始有賺錢機會,他形容當時生活是窮到燶:「我唯一一張信用卡碌爆咗,搵晒全屋企嘅散銀,都係得9蚊,我當時諗返唔返工好呢?返咗工,又冇錢返屋企,因為我住喺香港仔,最後我都係無理,喺屋企攞咗一包公仔麵,帶返公司,之後跟同事借咗一千蚊。嗰位同事好好,佢冇問我任何嘢,佢知我唔賭,係窮啫,我之後出糧都即刻還俾佢。」

直至03年沙士,他的機會終於來,因為沙士爆發,內地電視劇《隋唐英雄傳》找不到演員,沒有人敢接劇,尤是要在疫埠拍攝,他一口答應,跟同樣出道未幾,早前憑熱爆劇《延禧攻略》走紅的皇上聶遠首次合作,不過拍攝中途又遇到小波折,因為老闆破產,劇組被逼停拍,最後有白武士接手,電視劇才有機會推出,他更以程咬金一角彈出,因而在內地接了不少電視劇。

其後他有份演出的電影《功夫》出街,由於此片在內地大受歡迎,更奠定肥仔聰的喜劇演員地位。06年執導過由劉德華投資的《得閒飲茶》後,他開始在幕後發展,由他執導,近年跟好拍檔陳浩民合作的一系列《濟公》網絡電影,更成為賀歲檔最高點擊的網絡電影,奪得不少網上平台獎項。

由負數到今天的成績,肥仔聰也明白娛樂圈人要守望相助,過去多年,他粗略估計,有成500萬街數未有收回,他也沒想過要追對方還錢:「我無所謂,因為我冇生活壓力,冇生活壓力唔係我搵得多,係因為我用得少,好又一餐唔好又一餐,一個麵包已經可以係一餐。不過我唔會再借錢出去,我係曾經借過人哋嘅錢救急,不過我都係做嘢即刻還俾人,所以我會介紹工俾對方。」

肥仔聰人緣好,吃得開,以看人優點的大原則處理任何事,他有說話同後生仔講:「在我身上係work,如果佢哋能夠咁樣做,即係不論人和事,發掘好嘅一面,對你會有一個好好嘅影響。」

Previous ArticleNext Article

留言分享

Send this to a friend